to be vnbrossheñ & shakyñ / tend þerto aright,
[ for] moughtes be redy euer in þem to gendur & aliȝt;
þerfore to drapery / & skynnery euer haue ye a sight.
youre souerayñ aftir mete / his stomak to digest
yef he wille take a slepe / hym self þere for to rest,
looke bothe kercheff & combe / þat ye haue þere prest,
bothe pillow & hedshete / for hym̅ þe[y] must be drest;
yet be ye nott ferre hym fro, take tent what y say,
For moche slepe is not medcynable in myddis of þe day.
wayte þat ye haue watur to wasche / & towelle alle way