alle þe worshipfulle officers of the comunialte of þis land,
of Shires / Citees / borowes; like as þey ar ruland,
þey must be sett aftur þeire astate dewe in degre as þey stand.
[ ¶ hit belongethe to a mershalle to haue a fore sight]
of alle estatis of þis land in euery place pight,
For þestate of a knyght of blode, lyvelode, & myght,
is not peregalle to a symple & a poouere knyght.
¶ Also þe meyre of londoñ, notable of dignyte,
and of queneborow[269] þe meire, no þynge like in degre,
at one messe þey owght in no wise to sitt ne be;