.lxxiii.
(fol. 16 a.)
Conyngys in cyveye. Take Conyngys, an fle hem & seþe hem, & make lyke þou woldyst make a sewe, saue alle to-choppe hem, & caste Safroun & lyer þer-to, & Wyne. (See also “Conyngus in cyue” in L. C. C., p. 20; and “Conynges in Cyue” in Household Ordinances, p. 434.)
xv.
(fol. 39 b.)
[1 fol. 40.]
Doucettes. Take Creme a gode cupfulle, & put it on a straynoure, þanne take ȝolkys of Eyroun, & put þer-to, & a lytel mylke; þen strayne it þrow a straynoure in-to a bolle; þen take Sugre y-now, & put þer-to, or ellys hony for defaute1 of Sugre; þan coloure it with Safroun; þan take þin cofyns, & put it in þe ovynne lere, & lat hem ben hardyd; þan take a dyssshe y-fastenyd on þe pelys ende, & pore þin comade in-to þe dyssche, & fro þe dyssche in-to þe cofyns; & whan þey don a-ryse Wel, teke hem out, & serue hem forth.
xxxvij.
(fol. 43 b.)
Doucettes. Take Porke & hakke it smal, & Eyroun y-mellyd to-gederys, & a lytel Milke, & melle hem to-gederys with Hony & Pepir, & bake hem in a cofyn, & serue forth.
xxxviij.
Doucettes a-forcyd. Take Almaunde Milke & ȝolkys of Eyroun y-mellid to-gederys, Safroun, Salt, & Hony: dry þin cofyn, & ley þin Maribonys þer-on, & serue forth.
[1.] The þ is always y in Harl. 5401.
[2.] that is, the figs.