Stert nat Rudely; komme Inne an esy pace;
Holde vp youre heede, and knele but on oone kne
To youre sovereyne or lorde, whedir he be.
¶ And yf they speke withe yow at youre komynge,
Withe stable Eye loke vpone theym Rihte,
To theyre tales and yeve yee goode herynge
Whils they haue seyde; loke eke withe alle your myhte
Yee Iangle nouhte, also caste nouhte your syhte
Aboute the hovs, but take to theym entent
Withe blythe vysage, and spiryt diligent.