At hable tyme to done your lorde service,
So shalle yee gete anoone a name of price.
¶ Also to brynge drynke, holde lihte whanne tyme ys,
Or to doo that whiche ouhte forto be done,
Looke yee be preste, for so yee shalle ywys
In nurture gete a gentyl name ful sone;
And yif ye shulde at god aske yow a bone
Als to the worlde, better in noo degre
Mihte yee desire thanne nurtred forto be.
¶ Yif that youre lorde his owne coppe lyste commende