Summe helle[1] water; summe holde to he hathe done
The clothe to him; And from him yee nat pace
Whils he be sette, and haue herde sayde the grace.
¶ Byfore him stonde whils he komaunde yow sytte,
Withe clene handes Ay Redy him to serve;
Whenne yee be sette, your knyf withe alle your wytte
Vnto youre sylf bothe clene and sharpe conserve,
That honestly yee mowe your owne mete kerve.
Latte curtesye and sylence withe yow duelle,
And foule tales looke noone to other telle.