Withe parte of hit goodely yee theym Rehete,
For yt ys nouhte ywys convenyent
Withe yow at mete, whanne other ben present,
Alle forto holde that vnto yow ys brouhte,
And as wrecches on other vouchesauf nouhte.
¶ Kutte nouhte youre mete eke as it were Felde men,
That to theyre mete haue suche an appetyte
That they ne rekke in what wyse, where ne when,
Nor how vngoodly they on theyre mete twyte;
But, swete children, haue al-wey your delyte