Other service thanne this I myhte comende
To yow to done, but, for the tyme is shorte,
I putte theym nouhte in this lytyl Reporte,
¶ But ouere I passe, prayyng withe spyrit gladde
Of this labour that no wihte me detray,
But where to lytyl ys, latte him more adde,
And whenne to myche ys, latte him take away;
For thouhe I wolde, tyme wole that I no more say;
I leve therfore, And this Book I directe
To euery wihte that lyste yt to correcte.