"Lakit me neyther mete ne drynk in kyng Herowdes halle:
Ther is a chyld in Bedlem born is beter than we alle."
"Quhat eylyt the, Stevyn? art thu [wod, or thu gynnyst to brede]?
Lakkyt the eythar gold or [fe, or ony ryche wede]?"
15 "Lakyt 'me' neyther gold ne fe, [ne] non ryche wede;
Ther is a chyld in Bedlem born [xal] helpen us at our nede."
"That is al so soth, Stevyn, al so [soth, i-wys],
As this capon crowe xal that lyth her in myn dysh."
That word was not so sone seyd, that word in that halle,
20 The capon crew, CHRISTUS NATUS EST! among the lordes alle.
"Rysyt up, myn turmentowres, [be to] and al be on,
And ledyt Stevyn out of this town, and stonyt hym wyth ston."
Tokyn [he] Stevene, and stonyd hym in the way;
And therefor is his evyn on Crystes owyn day.
[2]. befalle, befell.
[5]. kyst, cast.
[9]. eylyt, aileth.