Bonnie were the twa boys she did bear—15
Doun by the greenwud sae bonnie.
But out she's tane a little penknife—
All alone, and alonie;
And she's parted them and their sweet life—
Doun by the greenwud sae bonnie.20
She's aff unto her father's ha'—
All alone, and alonie;
She seem'd the lealest maiden amang them a'—
Doun by the greenwud sae bonnie.
As she lookit our the castle wa'—25
All alone, and alonie;
She spied twa bonnie boys playing at the ba'—
Doun by the greenwud sae bonnie.
"O an thae twa babes were mine"—
All alone, and alonie;30
"They should wear the silk and the sabelline"—
Doun by the greenwud sae bonnie.
"O mother dear, when we were thine,"
All alone, and alonie;
"We neither wore the silks nor the sabelline"—35
Doun by the greenwud sae bonnie.
"But out ye took a little penknife"—
All alone, and alonie;
"An ye parted us and our sweet life"—
Doun by the greenwud sae bonnie.40
"But now we're in the heavens hie"—
All alone, and alonie;
"And ye have the pains o' hell to dree"—
Doun by the greenwud sae bonnie.