DUKE OF PERTH'S THREE DAUGHTERS.
From Kinloch's Ancient Scottish Ballads, p. 212.
The Duke o' Perth had three daughters,
Elizabeth, Margaret, and fair Marie;
And Elizabeth's to the greenwud gane,
To pu' the rose and the fair lilie.
But she hadna pu'd a rose, a rose,5
A double rose, but barely three,
Whan up and started a Loudon lord,
Wi' Loudon hose, and Loudon sheen.
"Will ye be called a robber's wife?
Or will ye be stickit wi' my bloody knife?10
For pu'in the rose and the fair lilie,
For pu'in them sae fair and free."
"Before I'll be called a robber's wife,
I'll rather be stickit wi' your bloody knife,
For pu'in the rose and the fair lilie,15
For pu'in them sae fair and free."
Then out he's tane his little penknife,
And he's parted her and her sweet life,
And thrown her o'er a bank o' brume,
There never more for to be found.20
The Duke o' Perth had three daughters,
Elizabeth, Margaret, and fair Marie;
And Margaret's to the greenwud gane,
To pu' the rose and the fair lilie.
She hadna pu'd a rose, a rose,25
A double rose, but barely three,
When up and started a Loudon lord,
Wi' Loudon hose, and Loudon sheen.