He has brocht to this ladie
The robis of the brown;
And ever, "Alas!" says this ladie,15
"Thae robes will put me down."
And he has brocht to that ladie
The robis of the red;
And ever, "Alas!" says that ladie,
"Thae robes will be my dead."20
And he has brocht to that ladie
The chrystal and the laumer;
Sae has he brocht to her mither
The curches o' the cannel.
Every ane o' her seven brethren25
They had a hawk in hand,
And every lady in the place
They got a goud garland.
Every cuik in that kitchen
They got a noble claith;30
A' was blyth at auld Ingram's coming,
But Lady Maisery was wraith.
"Whare will I get a bonny boy,
Wad fain win hose and shoon,
That wad rin on to my Wa'yates,35
And quickly come again?"
"Here am I, a bonny boy,
Wad fain win hose and shoon;
Wha will rin on to your Wa'yates,
"Ye'll bid him, and ye'll pray him baith,
Gin ony prayer may dee,
To Marykirk to come the morn,
My weary wadding to see."
Lord Wa'yates lay o'er his castle wa',45
Beheld baith dale and down;
And he beheld a bonny boy
Come running to the town.