From Chambers's Scottish Ballads, p. 324. Other copies in The Scot's Musical Museum, (1853,) vol. iv. 364*, and Buchan's Ballads of the North of Scotland, ii. 179.
"O whaur hae ye been a' the day,
My little wee croodlin doo?"
"O I've been at my grandmother's;
Mak my bed, mammie, noo."
"O what gat ye at your grandmother's,5
My little wee croodlin doo?"
"I got a bonnie wee fishie;
Mak my bed, mammie, noo."
"O whaur did she catch the fishie,
My bonnie wee croodlin doo?"10
"She catch'd it in the gutter-hole;
Mak my bed, mammie, noo."
"And what did she do wi' the fish,
My little wee croodlin doo?"
"She boiled it in a brass pan;15
O mak my bed, mammie, noo."
"And what did ye do wi' the banes o't,
My bonnie wee croodlin doo?"
"I gied them to my little dog;
Mak my bed, mammie, noo,"20
"And what did your little doggie do,
My bonnie wee croodlin doo?"
"He stretch'd out his head, his feet, and dee'd,
And so will I, mammie, noo!"