She's fa'en into shame, an' lost her gude name,5
An' wrought her parents 'noy;
An' a' for her layen her luve so low,
On her father's kitchen boy.
Ae nicht as she lay on her bed,
Just thinkin' to get rest,10
Up it came her old father,
Just like a wanderin' ghaist.
"Rise up, rise up, ladye Diamond," he says,
"Rise up, put on your goun;
Rise up, rise up, ladye Diamond," he says,15
"For I fear ye gae too roun'."
"Too roun I gae, yet blame me nae;
Ye'll cause me na to shame;
For better luve I that bonnie boy
Than a' your weel-bred men."20
The king's ca'd up his wa'-wight men,
That he paid meat an' fee:
"Bring here to me that bonnie boy,
An' we'll smore him right quietlie."
Up hae they ta'en that bonnie boy,25
Put him 'tween twa feather beds;
Naethin' was dane, nor naethin' said,
Till that bonnie bonnie boy was dead.
The king's ta'en out a braid braid sword,
An' streak'd it on a strae;30
An' thro' an' thro' that bonnie boy's heart
He's gart cauld iron gae.
Out has he ta'en his poor bluidie heart,
Set it in a tasse o' gowd,
And set it before ladye Diamonds face,35
Said "Fair ladye, behold!"
Up has she ta'en this poor bludie heart,
An' holden it in her han';
"Better luved I that bonnie bonnie boy
Than a' my father's lan'."40