"Your father'll shoe your fair foot,
Your mother glove your han';10
Your sister lace your middle jimp
Wi' a new-made London ban';
"Your brethren will kemb your yellow hair
Wi' a new-made silver kemb;
And the king o' Heaven will father your bairn,15
Till love Gregor come hame."
"O gin I had a bonny ship,
And men to sail wi' me,
It's I wad gang to my true love,
Sin he winna come to me!"20
Her father's gien her a bonny ship,
And sent her to the stran';
She's taen her young son in her arms,
And turn'd her back to the lan'.
She hadna been o' the sea sailin'25
About a month or more,
Till landed has she her bonny ship
Near her true-love's door.
The nicht was dark, and the wind blew cald,
And her love was fast asleep,30
And the bairn that was in her twa arms
Fu' sair began to greet.
Lang stood she at her true love's door,
And lang tirl'd at the pin;
At length up gat his fause mother,35
Says, "Wha's that wad be in?"
"O it is Annie of Lochroyan,
Your love, come o'er the sea,
But and your young son in her arms;
So open the door to me."40