"My maids, gae to my dressing-room,
And dress to me my smock;
The one half is o' the holland fine,
The other o' needle-work."60
The horse fair Annet rade upon,
He amblit like the wind;
Wi' siller he was shod before,
Wi' burning gowd behind.
Four and twanty siller bells65
Wer a' tyed till his mane,
And yae tift o' the norland wind,
They tinkled ane by ane.
Four and twanty gay gude knichts
Rade by fair Annets side,70
And four and twanty fair ladies,
As gin she had bin a bride.
And whan she cam to Maries kirk,
She sat on Maries stean:
The cleading that fair Annet had on75
It skinkled in their een.
And whan she cam into the kirk,
She shimmer'd like the sun;
The belt that was about her waist,
She sat her by the nut-browne bride,
And her een they wer sae clear,
Lord Thomas he clean forgat the bride,
Whan fair Annet she drew near.
He had a rose into his hand,85
And he gave it kisses three,
And reaching by the nut-browne bride,
Laid it on fair Annets knee.