"Syr Sheryffe, for thy sake
Robyn Hode wull y take."
I wyll the gyffe golde and fee,
This beheste thow holde me.
"Robyn Hode ffayre and fre,5
Undre this lynde shote we."
With the shote y wyll,
Alle thy lustes to fullfyll.
"Have at the pryke,"
And y cleve the styke.10
"Late us caste the stone,"
I grante well, be Seynte John.
"Late us caste the exaltrè,"
Have a foote before the.
Syr knyght, ye have a falle.15
"And I the, Robyn, qwyte shall.
Owte on the, I blewe my horne,
Hitt ware better be unborne."
"Let us fight at oltrance.
"He that fleth, God gyfe hym myschaunce."20
Now I have the maystry here,
Off I smyte this sory swyre.
This knygthys clothis wolle I were,
And on my hede his [hyde] will bere.
Well mete, [felowe] myn.25
What herst thou of gode Robyn?
"Robyn Hode and his menye
With the Sheryffe takyn be."
Sette on foote with gode wyll,
And the Sheryffe wull we kyll.30
Beholde wele Frere Tuke,
Howe he dothe his bowe pluke.
"Yeld yow, Syrs, to the Sheryffe,
[Or elles shall ye blowes pryffe."]
Now we be bounden alle in same;35
Frere Tuke, this is no game.
"Come thou forth, thou fals outlawe;
Thou shall be hangyde and y-drawe."
Now alias, what shall we doo!
We moste to the prysone goo."40
[Opyn the gates] faste anon,
And [late] [theis thevys ynne] gon."
[24], hede.
[25], folowe.
[34], elyffe.
[41], ory the yatn.