They had nae sooner sitten down,
Nor sooner said the grace,
Till Edom o' Gordon and his men15
Were closed about the place.
The lady ran up to her tower head,
As fast as she could drie,
To see if by her fair speeches,
She could with him agree.20
As soon as he saw the lady fair,
And hir yates all locked fast,
He fell into a rage of wrath,
And his [heart] was aghast.
"Cum down to me, ze lady fair,25
Cum down to me, let's see;
This night ze's ly by my ain side,
The morn my bride sall be."
"I winnae cum down, ye fals Gordon,
I winnae cum down to thee;30
I winnae forsake my ane dear lord
That is sae far frae me."
"Gi up your house, ze fair lady,
Gi up your house to me,
Or I will burn zoursel therein,35
Bot you and zour babies three."
"I winna gie up, zou fals Gordon,
To nae sik traitor as thee,
Tho' zou should burn mysel therein,
Bot and my babies three."40
"Set fire to the house," quoth fals Gordon,
"Sin better may nae bee;
And I will burn hersel therein,
Bot and her babies three."
"And ein wae worth ze, Jock my man,45
I paid ze weil zour fee;
Why pow ze out my ground wa' stane,
Lets in the reek to me?