"Away, away, thou traytor strang!
Out of my sicht [sune mayst thou] be!30
I grantit nevir a traytors lyfe,
And now I'll not begin with thee."
"Grant me my lyfe, my liege, my King!
And a bonny gift I will give to thee—
Full four-and-twenty milk-whyt steids,35
Were a' foald in a yeir to me.
"I'll gie thee all these milk-whyt steids,
That prance and nicher at a speir;
With as mekle gude Inglis gilt,
As four of their braid backs dow beir."40
"Away, away, thou traytor strang!
Out o' my sicht sune mayst thou be!
I grantit nevir a traytors lyfe,
And now I'll not begin with thee!"
"Grant me my lyfe, my liege, my King!45
And a bonny gift I'll gie to thee—
Gude four-and-twenty ganging mills,
That gang throw a' the yeir to me.
"These four-and-twenty mills complete
Sall gang for thee throw all the yeir;50
And as mekle of gude reid wheit,
As all thair happers dow to bear."
"Away, away, thou traytor strang!
Out o' my sicht sune mayst thou be!
I grantit nevir a traytors lyfe,55
And now I'll not begin with thee."
"Grant me my lyfe, my liege, my King!
And a great gift I'll gie to thee—
Bauld four-and-twenty sisters' sons,
Sall for thee fecht, tho all sould flee!"60
"Away, away, thou traytor strang!
Out o' my sicht sune mayst thou be!
I grantit nevir a traytors lyfe,
And now I'll not begin with thee."