PR[OE]LIUM GILLICRANKIANUM. See [p. 152].
From Johnson's Museum, p. 105.
Grahamius notabilis coegerat montanos,
Qui clypeis et gladiis fugarunt Anglicanos;
Fugerant Vallicolæ, atque Puritani,
Cacavere Batavi et Cameroniani.
Grahamius mirabilis, fortissimus Alcides,
Cujus regi fuerat intemerata fides,
Agiles monticolas marte inspiravit,
Et duplicatum numerum hostium profligavit.
Nobilis apparuit Fermilodunensis,
Cujus in rebelles stringebatur ensis;
Nobilis et sanguine, nobilior virtute,
Regi devotissimus intus et in cute.
Pitcurius heroicus, Hector Scoticanus,
Cui mens fidelis fuerat et invicta manus,
Capita rebellium, is excerebravit,
Hostes unitissimos ille dimicavit.
Glengarius magnanimus atque bellicosus,
Functus ut Eneas, pro rege animosus,
Fortis atque strenuus, hostes expugnavit,
Sanguine rebellium campos coloravit.
Surrexerat fideliter Donaldus Insulanus,
Pugnaverat viriliter, cum copiis Skyanis,
Pater atque filii non dissimularunt,
Sed pro rege proprio unanimes pugnarunt.
Macleanius, circumdatus tribo martiali,
Semper, devinctissimus familiæ regali,
Fortiter pugnaverat, more atavorum,
Deinde dissipaverat turmas Batavorum.
Strenuus Lochielius, multo Camerone,
Hostes ense peremit, et abrio pugione;
Istos et intrepidos Orco dedicavit,
Impedimenta hostium Blaro reportavit.
Macneillius de Bara, Glencous Kepochanus,
Ballechinus, cum fratre, Stuartus Apianus,
Pro Jacobo Septimo fortiter gessere,
Pugiles fortissimi, feliciter vicere.
Canonicus clarissimus Gallovidianus,
Acer et indomitus, consilioque sanus,
Ibi dux adfuerat, spectabilis persona,
Nam pro tuenda patria, hunc peperit Bellona.
Ducalidoni dominum spreverat gradivus,
Nobilis et juvenis, fortis et activus:
Nam cum nativum principem exulem audiret,
Redit ex Hungaria ut regi inserviret.
Illic et adfuerat tutor Ranaldorum,
Qui strenue pugnaverat cum copiis virorum;
Et ipse Capetaneus, aetate puerili,
Intentus est ad pr[oe]lium, spiritu virili.