T. I see but few like gentlemen45
Amang yon frighted crew, man;
I fear my Lord Panmure be slain,
Or that he's ta'en just now, man:
For tho' his officers obey,
His cowardly commons run away,50
For fear the red-coats them should slay;
The sodgers hail make their hearts fail;
See how they scale, and turn their tail,
And rin to flail
And plow, man.55
W. But now brave Angus comes again
Into the second fight, man;
They swear they'll either dye or gain,
No foes shall them affright, man:
Argyle's best forces they'll withstand,60
And boldly fight them sword in hand,
Give them a general to command,
A man of might, that will but fight,
And take delight to lead them right,
And ne'er desire65
The flight, man.
But [Flandrekins] they have no skill
To lead a Scotish force, man;
Their motions do our courage spill,
And put us to a loss, man.70
You'll hear of us far better news,
When we attack like Highland trews,
To hash, and slash, and smash and bruise,
Till the field, tho' braid, be all o'erspread,
But coat or plaid, wi' corpse that's dead75
In their cold bed,
That's moss, man.
T. Twa gen'rals frae the field did run,
Lords Huntley and Seaforth, man;
They cry'd and run grim death to shun,80
Those heroes of the North, man;
They're fitter far for book or pen,
Than under Mars to lead on men;
Ere they came there they might well ken
That female hands could ne'er gain lands;85
'Tis Highland brands that countermands
Argathlean bands
Frae Forth, man.
W. The Camerons scow'r'd as they were mad,
Lifting their neighbours cows, man,90
M'Kenzie and the Stewart fled,
Without phil'beg or trews, man:
Had they behav'd like Donald's core,
And kill'd all those came them before,
Their king had gone to France no more:95
Then each Whig saint wad soon repent,
And strait recant his covenant,
And rent
It at the news, man.
T. M'Gregors they far off did stand,100
Badenach and Athol too, man;
I hear they wanted the command,
For I believe them true, man.
Perth, Fife, and Angus, wi' their horse,
Stood motionless, and some did worse,105
For, tho' the red-coats went them cross,
They did conspire for to admire
Clans run and fire, left wings retire,
While rights intire
W. But Scotland has not much to say,
For such a fight as this is,
Where baith did fight, baith run away;
The devil take the miss is
That every officer was not slain115
That run that day, and was not ta'en,
Either flying from or to Dumblain;
When Whig and Tory, in their 'fury,'
Strove for glory, to our sorrow,
The sad story120
Hush is.