The yerlle of Fyffe, withowghten stryffe,5
He bowynd hym [over Sulway:]
The grete wolde ever together ryde;
That race they may rue for aye.
[Over Ottercap hyll they came in,]
And so dowyn by Rodelyffe cragge,10
Upon Grene Leyton they lyghted dowyn,
[Styrande many a stagge;]
And boldely brent Northomberlonde,
And haryed many a towyn;
They dyd owr Ynglyssh men grete wrange,15
To battell that were not bowyn.
Than spake a berne upon the bent,
Of comforte that was not colde,
And sayd, "We have brent Northomberlond,
We have all welth in holde.20
"Now we have haryed all Bamboroweshyre,
All the welth in the worlde have wee;
I rede we ryde to Newe Castell,
So styll and stalwurthlye."
Uppon the morowe, when it was daye,25
The standards schone fulle bryght;
To the Newe Castelle the toke the waye,
And thether they cam fulle ryght.
Sir Henry Percy laye at the Newe Castelle,
I telle yow withowtten drede;30
He had byn a march-man all hys dayes,
And kepte Barwyke upon Twede.
To the Newe Castell when they cam,
The Skottes they cryde on hyght,
"Syr Harye Percy, and thow byste within,35
Com to the fylde, and fyght:
"For we have brente Northomberlonde,
Thy eritage good and ryght;
And syne my logeyng I have take,