[THE FAUSE KNIGHT UPON THE ROAD.]
Motherwell's Minstrelsy, p. lxxiv.
"O whare are ye gaun?"
Quo' the fause knicht upon the road;
"I'm gaun to the scule,"
Quo' the wee boy, and still he stude.
"What is that upon your back?" 5
Quo' the fause knicht upon the road;
"Atweel it is my bukes,"
Quo' the wee boy, and still he stude.
"What's that ye've got on your arm?"
Quo' the fause knicht, &c. 10
"Atweel it is my peit,"
Quo' the wee boy, &c.
"Wha's aucht they sheep?"
Quo' the fause knicht, &c.
"They are mine and my mither's," 15
Quo' the wee boy, &c.
"How monie o' them are mine?"
Quo' the fause knicht, &c.
"A' they that hae blue tails,"
Quo' the wee boy, &c. 20
"I wiss ye were on yon tree,"
Quo' the fause knicht, &c.
"And a gude ladder under me,"
Quo' the wee boy, &c.