"If that ye dee for me, sir knight,
Few for you will make meen;
For mony gude lord's done the same,
Their graves are growing green." 20
"O winna ye pity me, fair maid,
O winna ye pity me?
O winna ye pity a courteous knight,
Whose love is laid on thee?"
"Ye say ye are a courteous knight, 25
But I think ye are nane;
I think ye're but a millar bred,
By the color o' your claithing.
"You seem to be some false young man,
You wear your hat sae wide; 30
You seem to be some false young man,
You wear your boots sae side."
"Indeed I am a courteous knight,
And of great pedigree;
Nae knight did mair for a lady bright 35
Than I will do for thee.
"O I'll put smiths in your smithy,
To shoe for you a steed;
And I'll put tailors in your bower,
To make you for a weed. 40
"I will put cooks in your kitchen,
And butlers in your ha';
And on the tap o' your father's castle,
I'll big gude corn and saw."
"If ye be a courteous knight, 45
As I trust not ye be,
Ye'll answer some o' the sma' questions
That I will ask at thee.
"What is the fairest flower, tell me,
That grows in [muir] or dale? 50
Likewise, which is the sweetest bird
Sings next the nightingale?
Or what's the finest thing," she says,
"That king or queen can [wale]?
"The primrose is the fairest flower 55
That grows in [muir] or dale;
The mavis is the sweetest bird
Next to the nightingale;
And yellow gowd's the finest thing
That king or queen can wale. 60