They gedurt Perkyn aboute on every side,
And graunt hym ther the gre, the more was his pride.
Tib and he with gret myrth hamward can ride, 210
And were al nyzt togedur til the morow tide.
[And to chirch thay went.]
So wel his nedis he hase spedde,
That dere Tibbe he shall wedde;
[The chefe men that hir thider ledde] 215
Were of the turnament.
To that rich fest come mony for the nonys;
Sum come hiphalt, and sum trippande thither on the stonys;
Sum with a staffe in his honde, and sum too at onys;
Of sum were the hedis brokyn, of sum the schulder bonys. 220
With sorow come they thidur.
Woo was Hawkyn, wo was Harry,
Woo was Tomkyn, woo was Tirry,
[And so was al the company,]
[But zet thei come togeder.] 225
At that fest were thei servyd [in a rich aray]:
Every fyve and fyve had a cokeney.
And so they sate in jolite al the long daye;
[Tibbe at nyzt, I trow, hade a sympull aray.]
Micull myrth was thaym among: 230
In every corner of the howse
Was melodye deliciouse,
Ffor to here preciouse,
Off six mennys song.
[18]. sic MS. Harl. according to Percy.
[24-27]. MS. Harl.
Therfor faine wyt wold I,
Whych of all thys bachelery
Were best worthye
To wed hur to hys fere.
v. 27 should be divided into two.
[35-36]. MS. Harl.
If that it schuld be thys day sevenyzt,
Or elles zet to morn.
[36]. Wright. tomorowe.