For many a man so hard is of his herte,
He may not wepe although him sorè smerte.
Therfore in stede of weping and praieres,
Men mote[85] give silver to the pourè freres.
His tippet was ay farsed[86] ful of knives,
And pinnès, for to given fayrè wives.
And certainly he hadde a mery note.
Wel coude he singe and plaien on a rote.[87]
Of yeddinges[88] he bar utterly the pris.
His nekke was white as the flour de lis.