Þat I schal swere bi God and alle His gode halȝeȝ,
As help me God and þe halydam, and oþeȝ innoghe, 55
Þat I schal lelly yow layne, and lance neuer tale
Þat euer ȝe fondet to fle for freke þat I wyst.'
'Grant merci,' quod Gawayn, and gruchyng he sayde:
'Wel worth þe, wyȝe, þat woldeȝ my gode,
And þat lelly me layne I leue wel þou woldeȝ. 60
Bot helde þou hit neuer so holde, and I here passed,
Founded for ferde for to fle, in fourme þat þou telleȝ,
I were a knyȝt kowarde, I myȝt [not] be excused.