Rideȝ þurȝ þe roȝe bonk ryȝt to þe dale;
And þenne he wayted hym aboute, and wylde hit hym þoȝt, 95
And seȝe no syngne of resette bisydeȝ nowhere,
Bot hyȝe bonkkeȝ and brent vpon boþe halue,
And ruȝe knokled knarreȝ with knorned stoneȝ;
Þe skweȝ of þe scowtes skayned hym þoȝt.
Þenne he houed, and wythhylde his hors at þat tyde, 100
And ofte chaunged his cher þe chapel to seche:
He seȝ non suche in no syde, and selly hym þoȝt
Sone, a lyttel on a launde, a lawe as hit we<re>,