The whiche bokes barely, bothe as þai were,
A Romayn ouerraght, and right hom hymseluyn,
That Cornelius was cald to his kynde name. 70
He translated it into Latyn for likyng to here,
But he shope it so short þat no shalke might
Haue knowlage by course how þe case felle;
For he brought it so breff, and so bare leuyt,
Þat no lede might have likyng to loke þerappon; 75
Till þis Gydo it gate, as hym grace felle,
And declaret it more clere, and on clene wise.