Was no light but a laite þat launchit aboue: 135
Hit skirmyt in the skewes with a skyre low,
Thurgh the claterand clowdes clos to the heuyn,
As the welkyn shuld walt for wodenes of hete;
With blastes full bigge of the breme wyndes,
Walt vp the waghes vpon wan hilles. 140
Stith was the storme, stird all the shippes,
Hoppit on hegh with heste of the flodes.
The sea was unsober, sondrit the nauy,
Walt ouer waghes, and no way held,