Hadde I eried þis half-acre, and sowen it after, 5
I [wolde] wende with ȝow, and þe way teche.'
'Þis were a longe lettynge,' quod a lady in a sklayre;
'What sholde we wommen worche þerewhiles?'
'Somme shal sowe <þe> sakke,' quod Piers, 'for shedyng of þe whete;
And ȝe, louely ladyes, with ȝoure longe fyngres, 10
Þat ȝe han silke and sendal to sowe, whan tyme is,
Chesibles for chapelleynes, cherches to honoure;
Wyues and wydwes wolle and flex spynneth,
Maketh cloth, I conseille ȝow, and kenneth so ȝowre douȝtres;