And nameliche atte mete suche men eschue, 55
For it ben þe deueles disoures, I do þe to vnderstande.'
'I assente, bi Seynt Iame!' seyde þe kniȝte þanne,
'Forto worche bi þi wordes þe while my lyf dureth.'
'And I shal apparaille me,' quod Perkyn, 'in pilgrimes wise,
And wende with ȝow I wil til we fynde Treuthe, 60
And cast on me my clothes, yclouted and hole,
My cokeres and my coffes, for colde of my nailles,
And hange myn hoper at myn hals, in stede of a scrippe,
A busshel of bredcorne brynge me þerinne,