I wil worschip þerwith Treuthe bi my lyue, 95
And ben his pilgryme atte plow, for pore mennes sake.
My plow-fote shal be my pyk-staf, and picche atwo þe rotes,
And helpe my culter to kerue, and clense þe forwes.'
Now is Perkyn and his pilgrymes to þe plowe faren;
To erie þis halue-acre holpyn hym manye. 100
Dikeres and delueres digged vp þe balkes;
Þerewith was Perkyn apayed, and preysed hem faste.
Other werkemen þere were þat wrouȝten ful ȝerne;
Eche man in his manere made hymself to done,