An how I myȝte amaistrien hem, and make hem to worche.' 205
'Here now,' quod Hunger 'and holde it for a wisdome:
Bolde beggeres and bigge, þat mowe her bred biswynke,
With houndes bred and hors bred holde vp her hertis,
Abate hem with benes for bollyng of her wombe;
And ȝif þe gomes grucche, bidde hem go swynke, 210
And he shal soupe swettere whan he it hath deseruid.
And if þow fynde any freke, þat fortune hath appeyred
Or any maner fals men, fonde þow suche to cnowe;
Conforte hym with þi catel, for Crystes loue of heuene;