Þat seruus nequam had a nam, and for he wolde nouȝte chaffare, 235
He had maugré of his maistre for euermore after,
And binam <hym> his mnam, for he ne wolde worche,
And ȝaf þat mnam to hym þat ten mnames hadde;
And with þat he seyde, þat Holi Cherche it herde,
"He þat hath shal haue, and helpe þere it nedeth, 240
And he þat nouȝt hath shal nouȝt haue, and no man hym helpe;
And þat he weneth wel to haue, I wil it hym bireue."
Kynde Witt wolde þat eche a wyght wrouȝte,
Or in dykynge, or in deluynge, or trauaillynge in preyeres,