And bi þat I hope to haue heruest in my croft, 285
And þanne may I diȝte þi dyner as me dere liketh.'
Alle þe pore peple þo pesecoddes fetten,
Benes and baken apples þei brouȝte in her lappes,
Chibolles and cheruelles and ripe chiries manye,
And profred Peres þis present to plese with Hunger. 290
Al Hunger eet in hast, and axed after more.
Þanne pore folke for fere fedde Hunger ȝerne
With grene poret and pesen—to poysoun Hunger þei þouȝte.
By þat it neighed nere heruest, newe corne cam to chepynge;