Repe, oþer be a repereyue, and aryse erliche, 15
Oþer haue an horne and be haywarde, and liggen oute a nyghtes,
And kepe my corn in my croft fro pykers and þeeues?
Oþer shappe shon oþer cloþes, oþer shep oþer kyn kepe,
[<H>eggen] oþer harwen, oþer swyn oþer gees dryue,
Oþer eny kyns craft þat to þe comune nudeþ, 20
Hem þat bedreden be bylyue to fynde?'
'Certes,' ich seyde, 'and so me God helpe,
Ich am to waik to worche with sykel oþer with sythe,
And to long, leyf me, lowe for to stoupe,