'Wolte sulle þi Lord Crist for enes cunnes golde?'
'Nay, bote hit be for þe platen þat He habben wolde.'
In him com ur Lord gon, as is postles seten at mete:
'Wou sitte ye, postles, ant wi nule ye ete? (bis) 25
Ic am iboust ant isold today for oure mete.'
Up stod him Iudas: 'Lord, am I þat?
I nas neuer o þe stude þer me Þe euel spec.'
Up him stod Peter, ant spec wid al is miste:
'Þau Pilatus him come wid ten hundred cnistes, (bis) 30
Yet ic wolde, Louerd, for Þi loue fiste.'