Precentor—Eh?
Minister—What did you think o' the discourse as a whole?
Precentor—All I was gaun to say was jeest this, that every noo and then in your discoorse the day—I dinna say oftener than noo and then—jeest occasionally—it struck me that there was maybe—frae time to time—jeest a wee bit o' exaggeration.
Minister—Exagger—what, Sir?
Precentor—Weel, maybe that's ower strong a word, I dinna want to offend ye. I mean jeest—amplification, like.
Minister—Exaggeration! amplification! What the deil mischief d'ye mean, Sir?
Precentor—There, there, there! I'll no say anither word. I dinna mean to rouse ye like that. All I meant to say was that you jeest streetched the pint a wee bit.
Minister—Streetched the pint! D'ye mean to say, Sir, that I tell lees?
Precentor—Oh! no, no, no—but I didna gang sae far as a' that.