Sanctissimus Dominus Noster Pius PP. IX. omnibus et singulis utriusque sexus Christi fidelibus, qui corde saltem contriti, ac devote supradictas pias preces, jam adprobatas, ab bonam mortem impetrandam recitaverint, centum dierum Indulgentiam semel in die lucrifaciendam, clementer est elargitus. Praesentibus, perpetuis futuris temporibus valituris.
Datum Romae ex Secretaria Brevium.—L. ϯ S. Pro D. Cardinali Macchi.—Jo. B. Brancaloni Castellani Sub.
III. Decree Concerning The Prayer Sacrosanctae Et Individuae Trinitati, Etc.
Urbis et Orbis. Decretum. Cum Sacrae huic Congregationi Indulgentiis Sacrisque Reliquiis praepositae in una Melden. inter alia exhibitum fuisset dubium enodandum “An ad lucrandam Indulgentiam vel fructum orationis Sacrosanctae et individuae etc. necessario flexis genibus haec oratio sit dicenda, vel an saltem in casu legitimi impedimenti ambulando, sedendo recitari valeat?” Eminentissimi Patres in generalibus Comitiis die 5 Martii superioris anni apud Vaticanas Aedes habitis respondendum esse duxerunt. “Affirmative ad primam partem, negative ad secundam”. Facta itaque Sanctissimo Domino Nostro Pio PP. IX. relatione per me infrascriptum S. Congregationis Secretarium die 12 ejusdem mensis, Sanctitas Sua votum Eminentissimorum Patrum approbavit. In audientia vero Sanctissimi die 12 [pg 395] Iulii ejusdem anni ab Eminentissimo Cardinali praefatae S. Congregationis Praefecto habita, eadem Sanctitas Sua ex speciali gratia clementer indulsit, ut Oratio Sacrosanctae etc. pro lucranda Indulgentia a Sa. Mem. Leone PP. X. adnexa, seu fructu dictae orationis, etiam non flexis genibus recitari possit ab iis, qui legitime impediti fuerint infirmitatis tantum causa. Praesenti valituro absque ulla Brevis expeditione, non obstantibus in contrarium facientibus quibuscumque.
Datum Romae ex Secretaria ejusdem S. Congregationis Indulgentiarum die 7 januarii 1856.—Loco ϯ Signi.—F. Cardinalis Asquinius, Praef.—A. Colombo Secretarius.
IV. Plenary Indulgences And The Infirm.
“Decretum Urbis et Orbis. Ex Audientia Sanctissimi die 18 Septembris, 1862.—Est hoc in more positum quod ab animarum Pastoribus Sanctissimum Eucharistiae Sacramentum in aliquibus tantum infra annum praecipuis festivitatibus ad fideles habitualiter infirmos, chronicos, ob physicum permanens aliquod impedimentum e domo egredi impotentes solemniter deferatur, proindeque hujusmodi fideles tot Plenariis Indulgentiis privantur, quas consequerentur si conditionibus injunctis adimpletis ad Sacram Eucharisticam Mensam frequentius possent accedere. Itaque quamplures animarum Curatores, aliique permulti Ecclesiastici Viri humillimas preces porrexerunt Sanctissimo Domino Nostro Pio PP. IX. ut de Apostolica benignitate super hoc providere dignaretur, factaque per me infrascriptum Secretariae S. Congregationis Indulgentiarum Substitutum Eidem Sanctissimo de his omnibus fideli relatione in Audientia habita die 18 Septembris 1862, Sanctitas Sua spirituali gregis sibi crediti utilitati prospiciens clementer indulsit, ut praefati Christi fideles, exceptis tamen illis qui in Communitate morantur, acquirere possent omnes et singulas Indulgentias plenarias jam concessas vel in posterum concedendas, quasque alias acquirere possent in locis in quibus vivunt, si in eo physico statu non essent, pro quarum acquisitione praescripta sit Sacra Communio et visitatio alicujus Ecclesiae vel publici Oratorii in locis iisdem, dummodo vere poenitentes, confessi, ac caeteris omnibus absolutis conditionibus, si quae injunctae fuerint, loco S. Communionis et Visitationis alia pia opera a respectivo Confessario injungenda fideliter adimpleant. Praesenti in perpetuum valituro absque ulla Brevis expeditione. Non obstantibus in contrarium facientibus quibuscumque.
“Datum Romae ex Secretaria S. Congregationis Indulgentiarum et SS. Reliquiarum, Loco ϯ Signi F. Card. Asquinius Praefectus. A. Archip. Prinzivalli Substitutus.”