Leah open the door, t'ought it was her mother, an' Tiger jump right in an' eat the whole of Leah, lef' one finger with the ring.
Him eat done, half shut the door an' go back a him bed under the house.
Leah mumma come fe sing now:—
|
Leah! Leah! tingaling, Yo no yerry you honey, tingaling? You sugar de a door, tingaling, You honey de a door, tingaling. |
An' nobody answer her.
She sing two time more: nobody answer.
An' she shub the door an' go inside to find only one finger of her daughter.
An' him put him hand on him head, bahl, then go home to him husband, tell him husband him daughter dead, something eat every bit.
Him say:—"Me no min tell you fe bring home me daughter: you will have fe find ahm gi' me. Then if you know whé good fe you just bring him go," catch up one big junka 'tick an' lick down the wife.
An' after the wife dead the man take to heart an' dead.