IV. TOMBY.
One day there was a gal, an' Annancy really want that gal fe marry, but he couldn' catch him. An' Annancy ask a old-witch man—the name of him was Tomby—an' the old-witch man had a 'mash-up side, an' him was the only man could gotten the gal for Annancy. An' Annancy give the old-witch man a t'reepence to give the gal when him goin' to the market to buy a t'reepence of youricky-yourk. An' the gal take the t'reepence. An' as she walk along the pass to market she meet up one of her friend call Miss Princess Johnson an' she said:—"Good mornin' me love," an' the answer:—"How you do, me dear? Where you a come from now?"
An Miss Justina say:—"Me a come from Tomby yard, an' see de t'reepence he give me fe go buy youricky-yourk."
"Never you bodder with somet'ing 'tan' so. Gi' ahm back him fuppence because him goin' to turn trouble fe you."
"How I manage fe gi' him the fuppence?"
"When you go to the market come back tell him you no see no youricky-yourk."
"An' what you go go buy, Miss Princess?"
"Me go buy me little salt fish an' me little hafoo yam, t'reepence a red peas fe make me soup, quatty 'kellion, gill a garlic to put with me little nick-snack, quatty ripe banana, bit fe Gungo peas, an' me see if me can get quatty beef bone."
"Ah! me missis, Cocoanut cheap a market ya."