Lucas. ȝa, and whan he had longe spokyn us tylle,
He wold ffrom us a gon his way;
With strenght and myght we keptyn hym stylle,
And bred we tokyn hym to etyn in fay.
He brak the loff, as evyn on tway,
As ony sharpe knyff xuld kytt breed;
Therby we knew the trewthe that day
That Cryst dede leve and was not deed.
Petrus. Now trewly, serys, I have grett woundyr
Of these grete merveylis that ȝe us telle;