Kept with knyghtes iiij., his grave sealyd also,
How xulde he levyn ageyn that so streyte was shitt?
Petrus. Whan Mawdelyn dede telle us that Cryst was aresyn,
I ran to his grave, and John ran with me;
In trewthe ther we ffownde he lay not in presyn,
Gon out of his grave and on lyve than was he.
Therfore, dere brother Thomas, I wole rede the
Stedfastly thou trust that Cryst is not deed;
ffeythfully beleeve a qwyk man that he be,
Aresyn from his deth by myght of his Godhed.