Thus be my grett dowte oure feyth may we preve,
Behold my blody hand to feyth that me avexit,
Be syght of this myrroure ffrom feyth not remeve,
Quod mortuus et sepultus nunc resurrexit!
Thow that Mary Magdalyn in Cryst dede sone beleve,
And I was longe dowteful, ȝitt putt me in no blame;
ffor be my grett dowte oure ffeyth may we preve,
Aȝens alle tho eretykys that speke of Cryst shame.
Truste wel Jhesu Cryst, the Jewys kyllyd the same,
The ffende hath he fferyd oure feyth that evyr avexit;