How sche was assumpte here men schul be pleyand,
Preyng you of audience, now ses and tak hede.
Ces now youre blaberyng in the develis name,
What, lousy begchis, now ye not se,
Owre worthy prynsis, lo! are gaderid in same,
That are statis of this lond hye men of degré?
By there hye wisdom they shal now attayne.
How alle Juré beste governyd may be,
And of this pillid prechouris that oure lawis defame,
They schul ben slayn as they se or fayn for to fle.