Maria. Nouth, but blessyd be my God in his myhtys!
Angelus. To yow I recomaunde me than, most excellent in sithis,
And wyth this agayn to God I assende.
Hic ascendit angelus.
Maria. Now, Lord, thy swete holy name wyth lovnesse I blysse,
Of qwyche hefne and erthe eche tyme pshalmodyeth;
That it lykyth youre mercy me to you to wysse,
My sympil sowle in serteyn youre name magnefyeth.
Now, holy maydenys, the servauntis of God as I gysse,
I schal passe from this world as the aungyl sertefyeth;