Throw vertu of this holy palme that com fro the Trinyté,
Yowr sekenesse schal aswage and restore you to welthe.
Secundus Princeps. I beleve in Crist Jhesu, Goddis sone in unyté,
And forsake my maumentryes fals in here felthe.
Hic tangat credentes cum palma, et sanati sunt.
A! I thanke the, gracyous Lord, and thy moder of peté,
Now are we hol of oure seknesse and of oure foule belthe!
Tercius Princeps. What, harlotys, forsake oure lawe?
Secundus Princeps. So hald I best the do.
Tercius Princeps. Hens fro me in the develis name ye go!