My blyssynge burnyschith ȝow as bryght as beralle,
As crystalle clene it clensyth ȝow clere,
Alle ffylth ffrom ȝow ffade.
Petyr, to hevyn ȝatys thou wende and goo,
The lokkys thou losyn and hem undo,
My blyssyd childeryn thou brynge me to,
Here hertys for to glade.
Petrus. The ȝatys of hevyn I opyn this tyde:
Now welcome, dere bretheryn, to hevyn i-wys;
Com on, and sytt on Goddys ryght syde,