To bery the deed pore man wold ȝe not gon;
These dedys doth ȝow spylle.
ffor ȝoure love was I rent on rode,
And for ȝour sake I shed my blode:
Whan I was so mercyfulle and so gode,
Why have ȝe wrought aȝens my wylle?
Secundus Diabolus. I fynde here wretyn in thin fforheed,
Thou were so stowte and sett in pryde,
Thou woldyst nott ȝeve a pore man breed,
But ffrom thi dore thou woldyst hym chyde.